खुल्ला आवाज

उद्योग बाणिज्य संघ भोजपुरको अध्यक्षमा श्रेष्ठ

9 महिना अगाडी

News by: शारदा तामाङ, भाेजपुर

Shares: 82

No active ad available.

उद्योग बाणिज्य संघ भोजपुरको अध्यक्षमा बद्रीकुमार श्रेष्ठ निर्वाचित भएकाछन् । अध्यक्षका अर्का प्रत्यासी निरकुमार विश्वकर्मालाई ,४६ मतान्तरले पराजित गर्दै श्रेष्ठ विजयी भएकाहुन् ।

विश्वकर्माले १ सय १२ मत प्राप्त गर्दा श्रेष्ठले १ सय ५८ मत प्राप्त गरेकाछन् । संघको प्रथम उपाध्यक्षमा श्रेष्ठ प्यानलकै प्रकाश श्रेष्ठ , दितिय उपाध्यक्षमा बद्री कुमार श्रेष्ठ निर्वाचित भएकाछन् । भने महासचिवमा विश्वकर्मा प्यानलबाट बिन्द्र कुमार राई निर्वाचित भएकाछन् ।

यस्तै कोषाध्यक्षमा श्रेष्ठ प्यानलको जिबन कुमार श्रेष्ठ, सचिबमा स्वतन्त्र उम्मेद्धार बिमल रणपहेलि निर्बाचित भएकाछन् । अन्य सदस्यहरुमा भने दुबै प्यानलबाट मिश्रित नतिजा आएकाे छ ।

नवनिर्वाचित अध्यक्ष बद्रि कुमार श्रेष्ठले सम्पूर्ण मतदाताहरूलाई धन्यवाद दिँदै आफनो कार्यकालमा उद्योगी, व्यवसायीहरूको हक, हित र सेवामा निरन्तर लागी पर्ने प्रतिबद्धता व्यक्त गरे । उद्योग, व्यापार, व्यवसायमा देखिएका समस्याहरू समाधान गर्न आफू निरन्तर लागी पर्ने बताए ।

आगामी नेतृत्वका लागि आईतवार विहान ८ बजेबाट दिउसो ३ बजे सम्म मतदान भएके थियो । ३ सय २० कुल मतदाता रहेको संघमा २ सय ७९ मत खसेको थियो ।

निर्वाचन समितिका संयोजक बेनुबहादुर कार्कीका अनुसार संघको १५ पदका लागि ३० जनाले उम्मेदवारी दर्ता गराएका थिए ।