13th April 2024, Saturday

प्रदेश एककाे नाम वहुपहिचानकाे आधारमा राख्न माओवादि केन्द्रकाे माग

7 महिना अगाडी

News by: Khulla Awaj

No active ad available.

Post Image

विराटनगर । नेकपा (माओवादी केन्द्र) १ नम्बर प्रदेश समितिको पाँचौं बैठकले प्रदेशको नाम खारेज गर्दै बहुपहिचानको आधारमा राख्न माग गरेको छ । विराटनगरमा बसेको बैठकले यस्तो निर्णय गरेको हो ।

प्रदेश समितिका अध्यक्ष हर्कबहादुर नेम्वाङ मिक्सोले पार्टी र संसदीय दलले गरेको कमजोरीप्रति गम्भीर समीक्षा र आलोचना सहित १ नं प्रदेशको नाम वहुपहिचानको आधारमा पुनः नामाङ्कन गर्न माओवादी पार्टी प्रतिबद्ध रहेको बताएकाहुन् ।

संगठनलाई थप सुदृढ गर्न केन्द्रीय योजनामा ३ महिने अभियान अन्तर्गत भाद्र १६ गते एकै दिन प्रदेशका ११५७ वटै वडामा अभियान उद्घाटन गर्ने गरि कार्यविभाजन समेत गरिएको बताए । माओवादीले प्रदेशका विभिन्न स्थानमा गएको बाढी पहिरो र उदयपुरको बेलकामा कोशी कटानले जनधनको ठुलो क्षति भएको घटनाप्रति दुःख व्यक्त गर्दै  पीडितहरूलाई आवश्यक उध्दार, राहत र पुनस्थापना गर्न नेपाल सरकारलाई अनुरोध गरेको छ ।

यस्तै पशु चौपायमा देखा परिरहेको लम्पी स्किन रोगको कारण पशुपालक किसानहरूले ठूलो क्षति व्यहोर्नु परिरहेको र क्षतिपूर्तिको दिन पनि माग गरेको छ ।



No active ad available.